ome | Index of Poets Akhtar ul Iman
tasavvur
phir vahii maange hue lamhe, phir vahii jaam-e-sharaab
phir vahii taariik raato mein Khayaal-e-maahtaab
phir vahii taaro kii peshaanii pe rang-e-laazavaal
phir vahii bhuulii hui baato kaa dhundhalaa saa Khayaal
phir vo aankhe bhiigii bhiigii daaman-e-shab mein udaas
phir vo ummiido ke madafan zindagii ke aas-paas
phir vahii fardaa kii baate.n phir vahii miiThe saraab
phir vahii bedaar aankhe phir vahii bedaar Khvaab
phir vahii vaaraftagii tanhaai afasaano kaa khel
phir vahii ruKhsaar vo aagosh vo zulf-e-siyaah
phir vahii shahar-e-tamannaa phir vahii taariik raah
zindagii kii bebasii uff vaqt ke taariik jaal
dard bhii chhinane lagaa ummiid bhii chhinane lagii
mujh se merii aarazuu-e-diid bhii chhinane lagii
phir vahii taariik maazii phir vahii bekaif haal
phir vahii besoz lamhe phir vahii jaam-e-sharaab
phir vahii taariik raato.n me.n Khayaal-e-maah_taab
Subscribe to:
Post Comments (Atom)
No comments