uljhaav kaa mazaa bhii terii baat hii me.n thaa
teraa javaab tere savaalaat hii me.n thaa
saayaa kisii yaqiin kaa bhii jis par na pad sakaa
vo ghar bhii shahar-e-dil ke muzaafaat hii mein thaa
ilzaam kyaa hai ye bhii na jaanaa tamaam umr
mulzim tamaam umr havaalaat hii me.n thaa
ab to faqat badan kii muravvat hai daramiyaan
thaa rabt jaan-o-dil kaa to shuruat hii mein thaa
mujh ko to qatl kar ke manaataa rahaa hai jashn
vo ziilihaaz shaKhs merii zaat hii me.n thaa
[jashn = celebration; zaat = existence]
[ziilihaaz = worthy of attention/respect(liihaaz ke qaabil)] [daramiyaa.N = in between; rabt = relation]
[faqat = only; muravvat = kindness/benevolence]
[ilzaam = accusation; tamaam = entire; mulzim = accused]
[shuruu_aat = beginning]
Subscribe to:
Post Comments (Atom)
No comments