ek ajab see duniya dekha karata tha
din mein bhee main sapana dekha karata tha
ek khyaalaabaad tha mere dil mein bhee
khud ko main shahajaada dekha karata tha
sabz paree ka udanakhatola har lamhe
apanee jaanib aata dekha karata tha
ud jaata tha roop badalakar chidiyon ke
jangal, sehara, dariya dekha karata tha
heere jaisa lagata tha ik-ik kankar
har mittee mein sona dekha karata tha
koee nahin tha pyaasa registaano mein
har sehara mein dariya dekha karata tha
har jaanib hariyaalee thee, khushahaalee thee
har chehare ko hansata dekha karata tha
bachapan ke din kitane achchhe hote hain
sab kuchh hee main achchha dekha karata tha
aankh khulee to saare manzar gaayab hain
band aankhon se kya-kya dekha karata tha
Subscribe to:
Post Comments (Atom)
No comments