firaaq se bhii gaye ham visaal se bhii gaye
subuk huye hai to aish-e-malaal se bhii gaye
jo but-kade mein the vo sahibaan-e-kashf-o-kamaal
haram mein aaye tp kashf-o-kamaal se bhii gaye
usii nigaah kii narmii se Dag-magaa gaye qadam
usii nigaah ke tevar sambhaal se bhii gaye
Gam-e-hayaat-o-Gam-e-dost kii kashaakash mein
ham aise log to ranj-o-malaal se bhii gaye
vo log jin se terii bazm mein the hangaame
gaye to kyaa terii bazm-e-Khayaal se bhii gaye
ham aise kaun the lekin qafas ki ye duniyaa
ke par-shikasto mein apanii misaal se bhii gaye
charaag-e-bazm abhii jaan-e-anjuman na bujhaa
ke ye bujhaa to tere khad-o-Khaal se bhii gaye
Subscribe to:
Post Comments (Atom)
No comments