hathelee kee lakeeron mein ishaara aur hai koi
magar mere taaakub mein sitaara aur hai koee
kisee saahil pe jaoon ek hee aavaaz aatee hai
tujhe rukana jahaan hai vo kinaara aur hai koee
na gumbad is eemaarat ka, na phaatak us havelee ka
kabootar dhoondhata hai jo minaara aur hai koee
tamaazat hai vahee baaqee agarache abr bhee barase
hamaaree raakh mein shaayad sharaara aur hai koee
abhee tak to vahee shiddat havaon ke junoon mein hai
abhee tak jheel mein shaayad shikaara aur hai koee
main baahar ke manaazir se alag hoon isalieaalam
mere andar kee duniya mein nazaara aur hai koee
Subscribe to:
Post Comments (Atom)
No comments