ik tum ke dil mein dard kisii Gair ke liye
ik ham ke dard ban gaye Khud aap ke liye
ham apane aashiyaane mein tere muntazir
tum tinke chun rahe the kisii aur ke liye
ham jaanate hain dil mein tumhaare nahi hain ham
jo Khat tumhaarii aankho mein the ham ne padh liye
Gam hai ke tuu ne luuT liyaa aitamaad ko
ik daaG de diye hai hamen umr ke liye
qaatil kii is adaa pe bhii qurbaan jaaye
Khud de ke zahar aa.Nkho.n me.n aansuu bhii bhar liye
thii kaun sii Khataa ke milii jis kii ye sazaa
hamane to umr bhar tere nqash-e-qadam liye
"Azra" ye maanaa bojh hai ab tujh pe zindagii
par zindagii to terii nahii.n hai tere liye
Subscribe to:
Post Comments (Atom)
No comments