kah rahii hai hashr mein vo aankh sharmaaii hui
haaye kaise is bharii mahafil me.n rusvaai hui
aa_iine mein har adaa ko dekh kar kahate hai.n vo
aaj dekhaa chaahiye kis kis kii hai aai hui
kah to ai gul_chii.n asiiraan-e-qafas ke vaaste
tod luu do chaar kaliyaa main bhii murjhaaii hui
main to raaz-e-dil chhupaa_uu.N par chhipaa rahane bhii de
jaan kii dushman ye zaalim aa.Nkh lalchaai hui
Gamzaa-o-naaz-o-adaa sab me.n hai hayaa kaa lagaao
haaye re bachapan kii shoKhii bhii hai sharmaai hui
vasl me.n Khaalii hui raqiibo se mahafil to kyaa
sharm bhii jaaye to jaanuu.N ke tanhaa_ii hu_ii
gard u.Dii aashiq kii turbat se to jhunjhalaa ke kahaa
vaah sar cha.Dhane lagii paa.Nv kii Thukaraa_ii hu_ii
Subscribe to:
Post Comments (Atom)
No comments