jhonkaa idhar na aaye nasiim-e-bahaar kaa
naazuk bahut hai phuul charaag-e-mazaar kaa
phir baithe baiThe vaadaa-e-vasl us ne kar liyaa
phir uTh khadaa huaa vahii rog intazaar kaa
shaaKhon se barg-e-gul nahin jhadate hain baaG mein
zevar utaar rahaa hai uruus-e-bahaar kaa
har gul se laalaazaar mein ye puuchhataa huu main
tuu hii pataa bataade dil-e-daaG_daar kaa
is pyaar se fishaar diyaa gor-e-tang ne
yaad aa gayaa mazaa mujhe aaGosh-e-yaar kaa
hilatii nahii.n havaa se chaman me.n ye Daaliyaa.N
muu.Nh chuumate hai.n phuul uruus-e-bahaar kaa
uThataa hai naazaa me.n vo sarahaane se ai 'Ameer'
miTataa hai aasaraa dil-e-ummiid_vaar kaa
Subscribe to:
Post Comments (Atom)
No comments