kyaa kah gai kisii kii nazar kuchh na puuchhiye
kyaa kuchh huaa hai dil pe asar kuchh na puuchhiye
vo dekhanaa kisii kaa kunakhiyo.n se baar baar
vo baar baar us kaa asar kuchh na puuchhiye
ro ro ke is tarah se kaTii raat kyaa kahe.n
mar mar ke kaise kii hai sahar kuchh na puuchhiye
"Akhtar" dayaar-e-husn me.n pahunche.n to hai.n mar ke ham
kyuu kar huaa hai tay ye safar kuchh na puuchhiye
Subscribe to:
Post Comments (Atom)
No comments