lamho ke aazaab sah rahaa huu.N
main apane vajuud kii sazaa huu.N
zaKhmo ke gulaab khil rahe hai.n
Khushbuu ke hujuum mein khadaa huu
is dasht-e-talab mein ik main bhii
sadiyo kii thakii hui sadaa huu.N
benaam-o-numuud zindagii kaa
ik bojhaa uThaaye phir rahaa huu
ik aisaa chaman hai jis kii Khushbuu
saanson mein basaaye phir rahaa huu
ik aisii zamii.n hai jis ko chhuukar
takadiis-e-haram se aashnaa huu
ai mujh ko fareb dene vaale
mai.n tujh par yaqiin kar chukaa huu
mai.n tere qariib aate aate
kuchh aur bhii duur ho gayaa hu
Subscribe to:
Post Comments (Atom)
No comments