maruu to mai kisi chehare mei rang bhar jaau
'Nadeem' kaash yahii ek kaam kar jaau
ye dasht-e-tark-e-muhabbat ye tere qurb kii pyaas
jo izaan ho to terii yaad se guzar jaau
meraa vajuud merii ruuh ko pukaarataa hai
terii taraf bhii chaluun to Thahar Thahar jaau
tere jamaal kaa paratau hai sab hasiino par
kahaan kahaa tujhe Dhuundhuu kidhar kidhar jaau
mai zindaa thaa ki teraa intazaar Khatm na ho
jo tuu milaa hai to ab sochataa huu mar jaau
ye sochataa huu.N ki mai but_parast kyu na huaa
tujhe qariib jo paau to Khud se Dar jaau
kisii chaman mein bas is Khauf se guzar na huaa
kisii kalii pe na bhuule se paanv dhar jaau
ye jii mein aatii hai taKhliiq-e-fan ke lamho mei
ki Khuun ban ke rag-e-sang me.n utar jaau
[paratau = reflection (saayaa,aks)]
[izaa.N = permission]
Subscribe to:
Post Comments (Atom)
No comments