merii shaam-e-Gam ko vo bahalaa rahe hai
likhaa hai ye Khat me.n ki ham aa rahe hai
Thahar jaa zaraa aur dard-e-furqat
hamaare tasavvur me.n vo aa rahe hai.n
[dard-e-furqat=sorrow of parting]
Gam-e-aaqabat hai na fikr-e-zamaanaa
piye jaa rahe hai.n jiye jaa rahe hai.n
[aaqabat=life after death]
nahii.n shikavaa-e-tashnagii may akasho.n ko
vo aa.Nkho.n se maiKhaane barasaa rahe hai.n
vo rashk-e-bahaar aanevaalaa hai "Akhtar"
ka.Nval hasarato.n ke khile jaa rahe hai.n
Subscribe to:
Post Comments (Atom)
No comments