rang birange sapane roz dikha jaata hai kyon
bairee chaand hamaaree chhat par aa jaata hai kyon
kya rishta hai aakhir mera ek sitaare se
roz vo koee raaz mujhe batala jaata hai kyon
palaken band karoon to sab kuchh achchha lagata hai
aankhen kholoon to kohara sa chha jaata hai kyon
har paikar ka apana apana saaya hota hai
lekin saaye ko saaya hee kha jaata hai kyon
mere hisse kee kiranen jab koee churaata hai
neel gagan par sooraj vo sharama jaata hai kyon
shaayad usake dil mein koee chor samaaya hai
dekh ke mujhako yaar mera ghabara jaata hai kyon
Subscribe to:
Post Comments (Atom)
No comments