saaGar se lab lagaa ke bahut Khush hai zindagii
sahan-e-chaman me.n aake bahut Khush hai zindagii
aa jaao aur bhii zaraa nazadiik jaan-e-man
tum ko qariib paake bahut Khush hai zindagii
hotaa ko_ii mahal bhii to kyaa puuchhate ho phir
be-vajah muskuraa ke bahut Khush hai zindagii
saahil pe bhii to itanii shagufataa ravish na thii
tuufaa.N ke biich aake bahut Khush hai zindagii
viiraan dil hai aur "Adam" zindagii kaa raqs
jangal me.n ghar banaake bahut Khush hai zindagii
[raqs = dance; jangal = forest] [saaGar = wine-glass]
[saahil = shore; shagufataa = fresh] [mahal = opportunity or often (it has two meanings)]
Subscribe to:
Post Comments (Atom)
No comments