yahii bahut hai k dil us ko DhuuND laayaa hai
kisii ke saath sahii, voh nazar to aayaa hai
karuuN shikaayteN, taktaa rahuuN, k pyaar karuuN
gayii bahaar kii suurat voh lauT aayaa hai
voh saamne thaa magar, ye yaqiiN na aataa thaa
voh aap hai k mirii KhvaahishoN ka saayaa hai
azaab dhuup ke kaise haiN baarisheN kyaa haiN
fasiil-e-jism girii jab to hosh aayaa hai
maiN kyaa karuuNgaa agar vo na mil sakaa 'Amjad'
abhii abhii mirre dil meiN Khayaal aayaa hai
Subscribe to:
Post Comments (Atom)
No comments