zaKhm ko phuul to sar sar ko sabaa kahate hai.n
jaane kyaa daur hai kyaa log hai kyaa kahate hai,
kyaa qayaamat hai ke jin ke liye ruk ruk ke chale
ab vahii log hamen aabalaapaa kahate hai,
koi batalaao ke ik umr kaa bichhadaa mahabuub
ittefaaqan kahi mil jaaye to kyaa kahate hai.n
ye bhii andaaz-e-suKhan hai ke jafaa ko terii
Gamzaa-o-ishvaa-o-andaaz-o-adaa kahate hai.
jab talak duur hai tuu terii parastish kar le.n
ham jise chhuu na saken us ko Khudaa kahate hai
kyaa ta'ajjub hai ke ham ahl-e-tamannaa ko 'Faraaz'
vo jo maharuum-e-tamannaa hain buraa kahate hai
Subscribe to:
Post Comments (Atom)
No comments