ye tabiyat hai to Khud aazaar ban jaayenge ham
chaaraagar royenge aur Gam_Khvaar ban jaayenge ham
ham sar-e-chaak-e-vafaa hain aur teraa dast-e-hunar
jo banaa degaa hamen ai yaar ban jaayenge ham
kyaa Khabar thii ai nigaar-e-sher tere ishq mei,
dil_baraan-e-shahar ke dil_daar ban jaayenge ham
saKht jaan hain par hamaari ustavaari par na jaa
aise TuuTenge teraa iqaraar ban jaayenge ham
aur kuchh din baiThane do kuu-e-jaanaa mei hame
raftaa raftaa saayaa-e-diivaar ban jaayenge ham
is qadar aasaan na hogii har kisii se dostii
aashnai mei teraa mayaar ban jaaye.nge ham
miir-o-Gaalib kyaa ke ban paaye nahin faiz-o-firaaq
zam ye thaa ruumi-o-ataar ban jaayenge ham
dekhane me.n shaaKh-e-gul lagate hai lekin dekhanaa
dast-e-gulchi ke liye talvaar ban jaayenge ham
ham chiraago ko to taariqi se ladanaa hai 'Faraz'
gul hue par subah ke aasaar ban jaayenge ham
Subscribe to:
Post Comments (Atom)
No comments