aankhe mujhe talvo se vo malane nahii dete
armaan mere dil kaa nikalane nahi dete
Khaatir se terii yaad ko Talane nahii.n dete
sach hai ki hami dil ko sambhalane nahii dete
kis naaz se kahate hai.n vo jhu.njhalaa ke shab-e-vasl
tum to hamen karavaT bhii badalane nahiin dete
paravaano ne faanuus ko dekhaa to ye bole
kyo.n ham ko jalaate ho ki jalane nahii.n dete
hairaan huu kis tarah karuu.N arz-e-tamannaa
dushman ko to pahaluu se vo Talane nahii.n dete
dil vo hai ki fariyaad se lab_rez hai har vaqt
ham vo hain ki kuchh muunh se nikalane nahii.n dete
garmii-e-mohabbat me.n vo hai aah se maane'
pankhaa nafas-e-sard kaa jhalane nahii.n dete
[maane' = bound]
Subscribe to:
Post Comments (Atom)
No comments