itane dino ke baad tuu aayaa hai aaj
sochataa huu kis tarah tujh se miluu
mere andar jaag uThii ik chaandanii
main zamiin se aasamaan tak ek ang huu.N
aur ujalaa ho gayaa qurbat kaa chaa.Nd
aur gaharaa ho gayaa teraa fusuu.N
ai saraapaa rang-o-nikahat tuu bataa
kis dhanak se teraa pairaahan bunuu.N
saare gul_buuTe tar-o-taazaa hue
duur tak pahunchii hai merii mauj-e-Khuu
kar rahe hain lamhe lamhe kaa hisaab
mil ke phir baiThe hain yaaraan-e-junuu
dasht-e-Gam kii dhuup me.n mujh par khulaa
mai Khud apanaa saayaa-e-diivaar huu
naaz kar Khud par ki tuu hai beshumaar
qadr kar merii ki main bas ek huu
[saraapaa rang-o-nikahat = colour and fragrance from head to toe**]
[** the very epitome of beauty]
[qurbat = nearness; fusuu.N = magic]
[pairaahan = garment/dress]
Subscribe to:
Post Comments (Atom)
No comments