jumbish-e-kaakul-e-mahaboob se din dhalata hai
hai kis khoobee-e-usloob se din dhalata hai
fenk kulfat-zada sooraj pe bhee chheente us ke
jis may-e-dil-kash-o-margoob se din dhalata hai
koshish-e-banda-e-daana nahin kaamil hotee
sohabat-e-banda-e-majzoob se din dhalata hai
mehar ke valavala-e-raast se pav phatatee hai
mehar ke jazba-e-maqloob se din dhalata hai
saaqiya ek adam ko bhee phareree us kee
jis khanakate hue mashroob se din dhalata hai.
Subscribe to:
Post Comments (Atom)
No comments