koi adaa_shanaas-e-muhabbat hame bataaye
jo ham ko bhuul jaaye vo kyon ham ko yaad aaye
kis kii majaal thii ki hijaab-e-nazar uThaaye
vo muskuraa ke aap hii dil ke qariib aaye
ik dil_nashii.n nigaah mein allaah ye Khalish
nashtar kii nok jaise kaleje mein TuuT jaaye
kuchh ham se beKhudii mein hui behijaabiyaan
chashm_kazanii sitaaro ne kii phuul muskuraaye
vo jaan-e-aarazuu ke hai saramaayaa-e-nishaat
kyo.n us kii yaad Gam kii ghaTaa ban ke dil pe chhaaye
tum to hamii.n ko kahate the ye tum ko kyaa huaa
dekho ka.Nval ke phuul se shabanam chhalak na jaaye
ik naatamaam Khvaab mukammal na ho sakaa
aane ko zindagii me.n bahut inqalaab aaye
Subscribe to:
Post Comments (Atom)
No comments