nigaar-e-shauq kii bebaakiyo.n se kyaa haasil
jo dil udaas ho rangiiniyon se kyaa haasil
na ab vo raat na vo husn-e-garmii-e-mahafil
chiraaG-e-sub_huu tunak taabiyo.n say kyaa haasil
fasurdagii kii qasam azm laa makaan tak hai
na puuchh dost ke tanhaaiiyo se kyaa haasil
lahuu lahuu hai ufaq shaam muzamahil sii hai
tumhi bataao ke in surKhiyo se kyaa haasil
jo buu-e-gul pe na ho unakii dastras ai dil
chaman mein aisii bhii paabandiyo se kyaa haasil
Subscribe to:
Post Comments (Atom)
No comments