raah-e-talab me.n kaun kisii kaa apane bhii begaane hain
chaa.Nd se mukha.De rashk-e-Gazalaa.N sab jaane pehachaane hain
uff ye talaash-e-husn-o-haqiiqat kis jaa Thaharen jaayen kahaan
sahan-e-chaman mein phuul khile hai seharaa mein diivaane hai
tanahaaii hii tanahaaii hai kaise kahe kaise samajhaayen
chashmo-o-lab-o-ruKhasaar kii tah mein ruuho.n ke viiraane hain
apane vajuud kii mastii se ham rindo ke ahavaal na puuchh
qadam qadam par chhe.D Khirad se nafas nafas maiKhaane hai
dil aaKhir thak haar ke yaaro ham ne bhii tasliim kiyaa
apanii zaat se ishq hai sachchaa baaqii sab afasaane hai
Subscribe to:
Post Comments (Atom)
No comments