pareshaanee ka aalam hai pareshaanee nahin jaatee
ab apanee shakl bhee sheeshe mein pahachaanee nahin jaatee
yahaan aabaad hai har shaiy khilen hain phool aangan mein
magar ghar se hamaare kyon yah veeraanee nahin jaatee
kabhee ikaraar karaten hain kabhee takaraar hotee hai
hamaaree baat koee bhee magar maanee nahin jaatee
main man kee baat karata hoon voh aksar taal jaate hain
karoon main laakh koshish unakee manamaanee nahin jaatee
vo mujhako takate rahate hain main unako takata rahata hoon
kabhee donon taraph se yah nigahebaanee nahin jaatee
kabhee main hansata rahata hoon kabhee main rota rahata hoon
karoon main kya mire dil se pashemaanee nahin jaatee
Subscribe to:
Post Comments (Atom)
No comments