tod ke isako varsho rona hota hai
dil sheeshe ka ek khilauna hota hai
mahafil mein sab hansate-gaate rahate hai
tanhaee mein rona-dhona hota hai
koee jahaan se roz pukaara karata hai
har dil mein ik aisa kona hota hai
bematalab ki chaalaakee ham karate hain
ho jaata hai jo bhee hona hota hai
duniya haasil karane vaalon se poochho
is chakkar mein kya-kya khona hota hai
sunata hoon unako bhee neend nahin aatee
jinake ghar mein chaandee-sona hota hai
khud hee apanee shaakhen kaat rahe hain ham
kya bastee mein jaadoo-tona hota hai
kaante-vaante chubhate rahate hain aalam
lekin ham ko phool pirona hota hai
Subscribe to:
Post Comments (Atom)
No comments