too agar dil-navaaz ho jae
soz ham-rang-e-saaz ho jae
dil jo aagaah-e-raaz ho jae
har hakeeqat majaaz ho jae
lazzat-e-gam ka ye taqaaza hai
muddat-e-gam daraaz ho jae
nagama-e-ishq chhedata hoon main
zindagee nai-navaaz ho jae
us kee bigadee bane na kyoon ai ishq
jis ka too kaar-saaz ho jae
husn magaroor hai magar tauba
ishq agar be-niyaaz ho jae
dard ka phir maza hai jab akhtar
dard khud chaara-saaz ho jae
Subscribe to:
Post Comments (Atom)
No comments