zehano mein Khayaal jal rahe hai
socho ke alaav-se lage hai
duniyaa kii girift mein hai saaye
ham apanaa vujuud Dhuundhate hai
ab bhuukh se koi kyaa maregaa
manDii mein zamiir bik rahe hai
maazii mein to sirf dil dukhate the
is daur mein zehan bhii dukhe hai
sir kaaTate the kabhii shahan_shaah
ab log zubaan kaaTate hai
ham kaise chhu.Daaye.n shab se daaman
din nikalaa to saaye chal pa.De hai.n
laasho.n ke hujuum me.n bhii ha.Ns de.n
ab aise bhii hausale kise ha.n
Subscribe to:
Post Comments (Atom)
No comments