dard badh kar dava na ho jae
zindagee be-maza na ho jae
in talavvun-mizaajiyon ka shikaar
koee mere siva na ho jae
lazzat-e-intizaar hee na rahe
kaheen vaada vafa na ho jae
teree raftaar ai maaaz-allaah
hashr koee bapa na ho jae
kaamayaabee hee kaamayaabee ho
to ye banda khuda na ho jae
meree be-taabiyon se ghabara kar
koee mujh se khafa na ho jae
kuchh to andaaz-e-jafa keejie
dil sitam-aashana na ho jae
kaheen naakaamee-e-asar aakhir
mudda-e-dua na ho jae
vo nigaahen na pher len akhtar
ishq be-aasara na ho jae
Subscribe to:
Post Comments (Atom)
No comments