dil ko shaista-e-ehasaas-e-tamanna na karen
aap is andaaz-e-nazar se mujhe dekha na karen
yak-ba-yak lutf o inaayat ka iraada na karen
aap yoon apanee jafaon ko tamaasha na karen
un ko ye fikr hai ab tark-e-taalluq kar ke
ke ham ab pursish-e-ahavaal karen ya na karen
haan mere haal pe hansate hain zamaane vaale
aap to vaaqif-e-haalaat hain aisa na karen
un kee duz-deeda-nigaahee ka taqaaza hai ke ab
ham kisee aur ko kya khud ko bhee dekha na karen
vo taalluq hai tere gam se ke allaah allaah
ham ko haasil ho khushee bhee to gavaara na karen
is mein posheeda hai pindaar-e-mohabbat kee shikast
aap mujh se bhee mere haal ko poochha na karen
na raha teree mohabbat se taalluq na sahee
nisbat-e-gam se bhee kya khud ko pukaara na karen
main ke khud apanee vafaon pe khajil hoon akhtar
vo to lekin sitam o jaur se tauba na karen
Subscribe to:
Post Comments (Atom)
No comments