hothon pe muhabbat ke fasaane nahii aate
saahil pe samundar ke Khazaane nahii.n aate
palake bhii chamak uThatii hai.n sote mein hamaarii
aankhon ko abhii Khvaab chhupaane nahii aate
dil ujadii huii ik saraaye kii tarah hai
ab log yahaa raat jagaane nahii aate
u.Dane do parindo ko abhii shoKh havaa me.n
phir lauT ke bachapan ke zamaane nahii.n aate
[pari.ndo.n=birds]
is shahar ke baadal terii zulfo.n kii tarah hai.n
ye aag lagaate hai.n bujhaane nahii.n aate
ahabaab bhii Gairo.n kii adaa siikh gaye hai.n
aate hai.n magar dil ko dukhaane nahii.n aate
Subscribe to:
Post Comments (Atom)
No comments