dil-e-naadaan miraa hai be-taksiir
jbh karate ho us koon be-takabiir
naksh-e-diivaar sahan-e-gulashan hai
jis ne dekhaa hai yaar kii tasviir
aashikon koon nahiin hai roosvaaii
musahaf-e-ishk kii hai ye tafsiir
gardish-e-chashm-e-yaar bejaa nahiin
dil ke lene kii hai use tadabiir
bul-havas kab talak rahe aajaad
khol sayyaad julf kii janjiir
jaanatii hai vo julf-e-ukdaa-kushaa
mere aashuftaa khvaab kii taabiir
shab-e-hijraan men ai ‘siraaj’ mujhe
ashk hai shama aur palak gul-giir
Subscribe to:
Post Comments (Atom)
No comments