ik aalam-e-hairat hai fanaa hai na baqaa hai
hairat bhii ye hai ki kyaa jaaniye kyaa hai
sau baar jalaa hai to ye sau baar banaa hai
ham soKhtaa jaanon kaa nasheman bhii balaa hai
hoTho pe tabassum hai ki ek barq-e-balaa hai
aankhon kaa ishaaraa hai ki sailaab-e-fanaa hai
sunataa huu bade gaur se afasaanaa-e-hastii
kuchh Khvaab hai kuchh asl hai kuchh tarz-e-adaa hai
hai tere tasavvur se yahaa nuur kii baarish
ye jaan-e-hazii hai ki shabistaan-e-hiraa hai
Subscribe to:
Post Comments (Atom)
No comments