kai marhale aur sar karane hai.n
abhii to bahut se safar karane hai.n
badii aur nekii yaqii.n aur shak
hai.n jitane bhii aib-o-hunar karane hai.n
hathelii pe rakhate hai.n apanaa kafan
jinhe.n apanaa jiivan amar karane hai.n
sitam hai ki duniyaa ke kitane hii kaam
zaruurii nahi hai magar karane hain
karoge kabhii tark bhii taak-jhaa.Nk
ki ye sil_sile umr bhar karane hai.n
bahut saKht mausam hai lekin 'Shaoor'
kisii taur ye din basar karane hai.
[marhale = obstacles; sar karanaa = overcome]
[badii = sin; nekii = good; aib = fault; hunar = skill]
Subscribe to:
Post Comments (Atom)
No comments