abhi bhi ik umr pe jeene ka na andaaz aaya
zindagee chhod de peechha mira main baaz aaya
muzda ai rooh tujhe ishqa sa dam-saaz aaya
nakabat-e-fakr gaee shaah-e-sar-afaraaj aaya
paas apane jo naya koee fusoon-saaz aaya
ho rahe us ke hamen yaad tira naaz aaya
peete peete tiree ik umr katee us par bhee
peene vaale tujhe peene ka na andaaz aaya
dil ho ya rooh o jigar kaan khade sab ke hue
ishqa aaya ki koee mufasida-pardaaz aaya
le raha hai dar-e-may-khaana pe sun-gun vaiz
rindo hushyaar ki ik mufasida-padoz aaya
dil-e-mazaboor pe is tarah pahunchee vo nigaah
jaise usfoor pe par taul ke shahabaaz aaya
kyoon hai khaamosh dila kis se ye saragoshee hai
maut aaee ki tire vaaste hamaraaz aaya
dekh lo ashqa-e-tavaatur ko na poochho mira haal
chup raho chup raho is bazm mein gammaaz aaya
is kharaabe mein to ham donon hain yakasaan saaqee
ham ko peene tujhe dene ka na andaaz aaya
naala aata nahin kan-ras hai faqat ai bulabul
mard-e-sayyaah hoon sun kar tiree aavaaz aaya
dil jo ghabarae qafas mein to zara par kholoon
zor itana bhee na ai hasarat-e-paravaaz aaya
dekhie naala-e-dil ja ke lagae kis se
jis ka khataka tha vahee mufasida-padoz aaya
muddee basta-zabaan kyoon na ho sun kar mire sher
kya chale sehar kee jab saahib-e-ejaaz aaya
rind phailae hain chulloo ko takalluf kaisa
saaqiya dhaal bhee de jaam khuda-saaz aaya
na gaya par na gaya sham ka rona kisee haal
go ki paravaana-e-marahoom sa dam-saaz aaya
ek chupakee mein guloo tum ne nikaale sab kaam
gamza aaya na karishma na tumhen naaz aaya
dhyaan rah rah ke udhar ka mujhe dilavaata hai
dam na aaya mire tan mein koee dam-saaz aaya
kis tarah maut ko samajhoon na hayaat-e-abadee
aap aae ki koee saahib-e-ejaaz aaya
be-‘anees’ ab chaman-e-nazm hai veeraan ai ‘shaad’
hae aisa na koee zamazama-padoz aaya
Subscribe to:
Post Comments (Atom)
No comments