huaa hai meharabaan vo moo-kamar aahistaa aahistaa
kyaa mujh aah ne shaayad asar aahistaa aahistaa
kiyaa hai muskuraa kar baat misl-e-fool gul-roo ne
nihaal-e-ishk ne laayaa samar aahistaa aahistaa
pilaa kar jaam apanii chashm kii gardish siin pai-dar-pai
kiyaa saakii ne mujh koon be-khbar aahistaa aahistaa
tufail-e-sojish-e-dil manjil-e-jaanaan koon pahunchaa hoon
huii hai aah merii raah-bar aahistaa aahistaa
galii men us parii-roo kii kiyaa hai ajm uDne kaa
nikaalaa murg-e-dil ne baal-o-par aahistaa aahistaa
mire haal-e-pareshaan kii hakiikt koon sunaa jaa kar
sabaa kooche men gul-roo ke gujr aahistaa aahistaa
‘siraaj’ us shokh ne dar-posh laayaa madd-e-aabaroo koon
miraa dil kyoon n hoe jer-o-jbar aahistaa aahistaa
Subscribe to:
Post Comments (Atom)
No comments