naksh-e-kadam huaa hoon mohabbat kii raah kaa
kyaa dil-kushaa makaan hai mirii sajadaa-gaah kaa
garmii siin aaftaab-e-kyaamat kii kyoon Daroon
saayaa hai mujh koon sarv-e-kyaamat-panaah kaa
naasoor ho ke roj-e-kyaamat talak bahe
jis ke jigar men tiir lage tujh nigaah kaa
piu kaa jamaal dekh huaa chaak chaak dil
jyoon ki kataan pe aks paDe noor-e-maah kaa
Dore nahiin hain surkh terii chashm-e-mast men
shaayad chaDhaa hai khoon kisii be-gunaah kaa
dil tujh birah kii aag se kyoonkar nikal sake
sholaa siin kyaa jalegaa kaho barg-e-kaah kaa
sumbul hai jyoon ki jalavaa-numaa joo-e-baar par
aankhon men merii aks vo julf-e-siyaah kaa
mahataab-roo ke rookh pe siyah kht nahiin ‘siraaj’
baakar khulaa huaa hai mire doodaa-aah kaa
Subscribe to:
Post Comments (Atom)
No comments