aaiinaa-roo ke shauk men hairaan huaa hoon main
julfon ko us kii dekh pareshaan huaa hoon main
hai khoon-e-dil sharaab mujhe aur gajk jigar
jab soon parat kii bajm men mehamaan huaa hoon main
aab-e-hayaat-e-vasl siin de umr-e-jaavidaan
khanjar soon tujh firaak ke be-jaan huaa hoon main
siine ke daag kis koon dikhaaoon main khol kar
dil ke lahoo men Doob ke glataan huaa hoon main
muddat soon thaa jiyaarat-e-kaabaa kaa mujh koon jauk
terii bhavaan koon dekh ke kurbaan huaa hoon main
us mast-e-niim-khvaab kii aankhon koon dekh kar
majalis men gm kii shauk siin garadaan huaa hoon main
us maah-roo koon dekh ke jyoon shama ai ‘siraaj’
apane arak ke sharm siin pinhaan huaa hoon main
Subscribe to:
Post Comments (Atom)
No comments