havas kii aankh siin vo cheharaa-e-raushan n dekhoge
to cheharaa to kahaan pan-goshaa-e-daaman ne dekhoge
chhupaate ho so bejaa us jamaal-e-hairat-e-afjaa koon
mirii aankhon siin dekhoge to fir darpan n dekhoge
agar us khush-dahan ke lab pe dekho rang missii kaa
to fir jinhaar barg-e-gunchaa-e-sosan n dekhoge
agar dekhoge aks us kht kaa merii chashm-e-giryaan men
lab-e-joo par bahaar-e-sabjaa-e-gulashan n dekhoge
‘siraaj’ apane siin kyoon visavaas hai ai shama-roo tum koon
kisii aashik koon tum maashook kaa dushman n dekhoge
Subscribe to:
Post Comments (Atom)
No comments