kis pe qaaboo jo tujhee pe nahin qaaboo apana
kis se ummeed hamen jab na hua too apana
jaam-e-may dekh ke jaata raha qaaboo apana
ladakhadaata hoon pakad le koee baazoo apana
nikahat-e-gul bahut itaraatee huee phiratee hai
vo kaheen khol bh den turra-e-gesoo apana
us ne phir kar bhee na dekha ki ye hai kaun bala
ham ko tha zom ki chal jaega jaadoo apana
jis ko samajhe ho vahee cheez nahin muddat se
ham dikha denge kabhee cheer ke pahaloo apana
par-e-paravaaz nikalane de qafas mein sayyaad
kaam dega yahee toota hua baazoo apana
mil gae khaak mein dar par tire itana baithe
is riyaazat pe bhee ab tak na hua too apana
gam nahee jaam-e-tilaakaar utha rakh saaqee
kya garaz ham ko salaamat rahe chulloo apana
chaukadee bhool ke munh takate hain mujh vahashee ke
aake is paanv pe sar rakhate hain aahoo apana
kaun ai tul-e-shab-e-gam tira jhagada rakkhe
aaj qissa hee kie dete hain yakasoo apana
nikahat-e-khuld-e-bareen phail gaee koson tak
vo naha kar jo sukhaane lage gesoo apana
lillaahil-hamd kudoorat nahin rahane paatee
munh dhula deta hai har subh ko aansoo apana
shaadee o gam ke rahenge yahee ragade jhagade
qissa jis vaqt talak hoga na yakasoo apana
gam mein paravaana-e-marahoom ke thamate nahin ashka
sham ai sham zara dekh to munh too apana
be-adab musahaf-e-rookhsaar pe jhuk padate hain
rakhie shaanon pe zara gher ke gesoo apana
seena-e-tang se ghabara ke gaya dil to gaya
munh dikhae na mujhe ab ye siyah-roo apana
phansane vaala tha phansa aa ke tiree zulfon mein dil
ba-khuda is mein nahin jurm sar-e-moo apana
shaam se jeb mein ik talkh dava rakkhee hai
aaj qissa hee kie dete hain yakasoo apana
vaham o idaraak o khayaalaat o dil o khvaahish-e-dil
sab to apane hain magar kyoon nahin qaaboo apana
‘shaad’ samajhaate hain kyoon gair liya kya un ka
chashma-e-tar apanee hai jaan apanee hai aansoo apana
Subscribe to:
Post Comments (Atom)
No comments