mohabbat ka rag-o-pai mein meree rooh-e-ravaan hona
mubaarak har nafas ko ik hayaat-e-jaavedaan hona
hamaare dil ko aae kis tarah phir shaadamaan hona
teree nazaron ne seekha hee nahin jab mehar-baan hona
tere kooche mein hona us pe tera aastaan hona
mubaarak tere kooche kee zameen ko aasamaan hona
ye haalat hai ke be-daaree bhee hai ik khvaab ka aalam
maaaz-allaah apana khoogar-e-khvaab-e-giraan hona
use khush kar sakengee kya bahaaren zindagaanee kee
chaman mein jis ne dekha ho bahaaron ka khizaan hona
jo bad-qismat tere gam kee musarrat se hain na-vaaqif
vo kya jaanen kise kahate hain dil ka shaadamaan hona
mujhe aankhen dikhaegee bhala kya gardish-e-dauraan
meree nazaron ne dekha hai tera na-meharabaan hona
jabeen o aastaan ke daramiyaan sajade hon kyoon hael
jabeen ko ho mayassar kaash jazb-e-aastaan hona
havas-kaaraan-e-isharat aah kya samajhenge ai akhtar
bahut dushvaar hai zauq-e-alam ka raaz-daan hona
Subscribe to:
Post Comments (Atom)
No comments