mohabbat kya mohabbat ka sila kya
gam-e-barbaadee-e-jins-e-vafa kya
dil-e-be-mudda ka mudda kya
hamaara haal ham se poochhana kya
hamen duniya mein apane gam se matalab
zamaane kee khushee se vaasta kya
sitam-ha-e-faraavaan chaahata hoon
karam kee aarazoo kya iltija kya
ham us ke aur us ka gam hamaara
is andaaz-e-karam ka poochhana kya
raha dil ko na ab zauq-e-sitam kyoon
vo hain aamaada-e-tark-e-jafa kya
tere gam ke sahaare jee rahe hain
hamaaree aarazoo kya mudda kya
bahaaron par khizaan sarf-e-asar hai
maaal-e-gunch-o-gul dekhana kya
taalluq aur tere gam se taalluq
urooj-e-bakht-e-akhtar poochhana kya
Subscribe to:
Post Comments (Atom)
No comments