nigaah-e-lutf kya kam ho gaee hai
mohabbat aur mahakam ho gaee hai
tabeeat kusht-e-gam ho gaee hai
charaag-e-bazm-e-maatam ho gaee hai
maaal-e-zabt-e-paiham ho gaee hai
musarrat haasil-e-gam ho gaee hai
tamanna jab badhee hai apanee had se
to maayoosee ka aalam ho gaee hai
na jaane kyoon adaavat hee adaavat hai
sarisht-e-ibn-e-aadam ho gaee hai
hai mahav-e-raqs har barg-e-chaman par
badee be-baak shabanam ho gaee hai
hansee honton par aate aate akhtar
payaam-e-giry-e-gam ho gaee hai
Subscribe to:
Post Comments (Atom)
No comments