ye mujh se puuchhiye kyaa justajuu mein lazzat hai
fazaa-e-dahar mein tahaliil ho gayaa huu main
haTaake shiishaa-o-saagar hujuum-e-mastii mein
tamaam arsaa-e-aalam pe chhaa gayaa huun main
udaa huu jab to falak pe liyaa hai dam jaa kar
zamiin ko tod gayaa huu jo rah gayaa huun main
rahii hai Khaak ke zarro.n mein bhii chamak merii
kabhii kabhii to sitaaro mein mil gayaa huun main
samaa gaye merii nazaro mein chhaa gaye dil par
Khayaal karataa huun un ko ki dekhataa huun main
[justajuu=search; lazzat=taste; dahar=world; tahaliil=immersed]
[falak=sky]
[arsaa-e-aalam=whole world]
Subscribe to:
Post Comments (Atom)
No comments