faqat shor-e-dil-e-pur aarazoo tha
na apane jism mein ham the na too tha
har ik ke paanv par jhukate katee umr
na samajhe ham ki kis qaalib mein too tha
jahaan pahunche usee ka noor paaya
jidhar dekha vahee khursheed-roo tha
jagah daaman mein apane kyoon na dete
ki tifl-e-ashqa apana hee lahoo tha
kahoon kya dil kee main naazuk-mizaajee
khuda bakhshe nihaayat tund-khoo tha
main kaifiyyat kahoon kya bazm-e-may kee
ki meena haath mein aankhon mein too tha
gash aaya us ne taulee teg jab jab
ajab halka hamaara bhee lahoo tha
bahut dhoondha kaheen paaya na ham ne
bata de ye ki kis goshe mein too tha
bacha qaatil ka daaman lillaahil-hamd
bahut khaula hua apana lahoo tha
udoo the saaqiya sab may-kade mein
yahee ik aas thee palle pe too tha
libaas-e-kuhana jab tha apana sad-chaak
to phir bekaar paiband o rafoo tha
gazab mein aa ke tujh ko todata shaikh
nateeja bahas ka kya ai suboo tha
tiree tasveer the ham bhee kisee vaqt
yahee naqsha hamaara hoo-ba-hoo tha
nazar mein hech tha kaunain saaqee
labaalab jaam tha ham the suboo tha
saza lagjshi kee paate bazm mein ham
khuda ko khair karana tha ki too tha
ham apane hosh mein baaqee the har tarah
magar jab too hamaare roo-ba-roo tha
tujhe se munh phula lete ajab kya
saba guchon ka bhee aakhir numoo tha
chale ham baag se ai ‘shaad’ kis vaqt
bahaar aane ko thee gul ka numoo tha
Subscribe to:
Post Comments (Atom)
No comments