ye raat bhayaanak hijr kee hai kaatenge bade aalaam se ham
talane kee nahin ye kaalee bala samajhe hue the shaam se ham
jab qais pahaad is sar se tale eed aaee tab aaee jaan mein jaan
to der ajab aalam mein rahe honton ko milae jaam se ham
tha maut ka khataka jaan-farasa sad shukr ki nikala vo kaanta
gar ho na qayaamat ka dhadaka ab to hain bade aaraam se ham
ta-manzil-e-jaanaan saath raha kam-bakht tasavvur gairon ka
shauq apane qadam kheencha hee kiya palta hee kie har gaam se ham
ulfat ne unheen kee haq kee taraf phera mire dil ko shukr-e-khuda
taameer karen masjid koee kyoonkar na buton ke naam se ham
ai ham-nafaso dam lene do bhoole hue nagme yaad aa len
aae hain chaman mein ud ke abhee chhoote hain isee dam daam se ham
baaton mein guzarate hijr ke din ai kaash ki donon mil jaate
ham se hai dil-e-naakaam khafa aazurda dil-e-naakaam se ham
yoon un ke adab ya khaatir se har baat ko le len apane sar
jab dil hai unheen ke qaaboo mein phir paak hain har ilzaam se ham
vo samajhe ki ham ne maar liya ham samajhe milenge aakhir vo
milate hee nigah ke donon khush aagaaz se vo anjaam se ham
duniya mein takhallus koee na tha kya neel ka teeka ‘shaad’ hee tha
tum vajah ne poochho kuchh is kee chidh jaate hain kyoon is naam se ham
Subscribe to:
Post Comments (Atom)
No comments