jie jaenge ham bhi lab pe dam jab tak nahin aata
hamen bhee dekhana hai naama-bar kab tak nahin aata
pahunchana tha jo arz-e-haal ko arsh-e-muazzam tak
kaee shab se vahee naala mire lab tak nahin aata
dil apana vaadee-e-gurbat mein shaayad mar raha ja kar
na aane kee bhee ik meeaad hai kab tak nahin aata
vahaan auron ke qisson ko bhee sun kar vo khatakate hain
yahaan apanee zabaan par harf-e-matalab tak nahin aata
yahaan tak seena-tangee se zaeef o zaar hai naala
chala jo subh ko vo ta-ba-lab shab tak nahin aata
jahaan tamheed kee vo aur qisse chhed deta hai
kisee soorat se zaalim harf-e-matalab tak nahin aata
bula bhejen na jab tak ‘shaad’ ko vo apane kooche mein
ijaara hai tira ai shauq haan tab tak nahin aata
Subscribe to:
Post Comments (Atom)
No comments