jise paala tha ik muddat tak aagosh-e-tamanna mein
vahee baanee hua mere gam o dard o aziyyat ka
usee ke haath se kya kya saha sahana hai kya kya kuchh
ilaahee do jahaan mein munh ho kaala is muravvat ka
karen insaaf ka daava asar kuchh bhee na zaahir ho
maza chakkha hai aise doston se bhee mohabbat ka
mitaen taaki apane zulm karane kee nadaamat ko
nikaalen dhoondh kar har tarah se pahaloo shikaayat ka
hasad jee mein bhara laag hai ik umr se dil mein
karen zaahir agar mauqa hai izahaar-e-adaavat ka
tam mein kuchh na samajhen baap aur bhaee kee huramat ko
amal dekho to ye phir kuchh karen daava sharaafat ka
miree umr-e-do-roza bekasee ke saath katatee hai
na apanon se na gairon se mila samara riyaazat ka
jise dekha jise paaya garaz ka apanee banda tha
jahaan main ab maza baaqee nahin khaalis mohabbat ka
hamaara kalba-e-ahazaan hai ham hain ya kitaaben hain
raha baaakee na koee ham-nashee ab apanee qismat ka
khuda aabaad rakkhe ‘shaad’ mere un azeezon ko
maza chakhava diya al-qarz-o-miqaraaz-ul-mohabbat ka
Subscribe to:
Post Comments (Atom)
No comments