ta-umr aashna na hua dil gunaah ka
khaalik bhala kare tiree tirachhee nigaah ka
tanha maza uthaata hai dil rasm-o-raah ka
beena to hai pe bas nahin chalata nigaah ka
jee bhar ke dekh loon to kar is jurm par shaheed
yoon apane sar pe khoon na le be-gunaah ka
rona jo ho to ro le bas ai chashma vaqt-e-naz
ab aaj khaatma bhee hai roz-e-siyaah ka
pahuncha ke ham ka qabr mein jaate hain apane ghar
leejie unhon ne vaada kiya tha nibaah ka
taqadeer hashr se hamen laee bahishta mein
aramaan dil mein rah gaya us daad-khvaah ka
pa-posh naaz karatee hai un kee zameen par
chashmak-zan-e-sipahar hai gosha kulaah ka
dekha na kaaravaan ne palat kar ki kaun hoon
meree tarah na ho koee vaamaanda raah ka
na jaan-baazon ka majama tha na mushtaaqon ka mela tha
khuda jaane kahaan marata tha main jab too akela tha
gharaunda yoon khada to kar liya hai aarazooon ka
tamaasha hai jo vo kah den ki main ik khel khela tha
bahut saste chhoote ai maut baazaar-e-mohabbat mein
ye sauda vo hai jis mein kya kahen kya kya jhamela tha
agar taqadeer mein hota to ik din paar bhee lagata
ye dariya jhelane ko yoon to ai dil khoob jhela tha
hamesha hasarat-e-deedaar pe dil ne qanaat kee
bade dar ka mujaavir tha bade murshid ka chela tha
kahaan dil aur fusoon-e-ishqa kee ghaaten kahaan ya rab
na padata tha balaon mein abhee kam-bakht aneela tha
jahaan chaahe lage jis dil ko chaahe choor kar daale
zabaan se phenk maara baat thee naaseh ki dhela tha
tamaasha-gaah-e-duniya mein bataoon kya ummeedon kee
tan-e-tanha tha main ai ‘shaad’ aur relon pe rela tha
Subscribe to:
Post Comments (Atom)
No comments