ta-umr aashna na hua dil gunaah ka
khaalik bhala kare tiree tirachhee nigaah ka
tanha maza uthaata hai dil rasm-o-raah ka
beena to hai pe bas nahin chalata nigaah ka
jee bhar ke dekh loon to kar is jurm par shaheed
yoon apane sar pe khoon na le be-gunaah ka
rona jo ho to ro le bas ai chashma vaqt-e-naz
ab aaj khaatma bhee hai roz-e-siyaah ka
pahuncha ke ham ka qabr mein jaate hain apane ghar
leejie unhon ne vaada kiya tha nibaah ka
taqadeer hashr se hamen laee bahishta mein
aramaan dil mein rah gaya us daad-khvaah ka
pa-posh naaz karatee hai un kee zameen par
chashmak-zan-e-sipahar hai gosha kulaah ka
dekha na kaaravaan ne palat kar ki kaun hoon
meree tarah na ho koee vaamaanda raah ka
manzil ke qat karane ka mohakam hua jo qasd
ik ik darakht khizr bana meree raah ka
dhoe kahaan tak is tan-e-khaakee ko umr bhar
ab rooh ko mile koee gosha nibaah ka
behatar kaheen the mujh se vo may-khvaar saaqiya
heela jo dhoondate rahe afu-e-gunaah ka
ashkon ka silasila kaheen toote bhee ai firaaq
thak bhee chuke qadam miree fariyaad o aah ka
ik tujh pe munahasir nahin ai khizr kar na naaz
har raah-rau ko takata hai vaamaanda raha ka
rakkha jinaan mein bhee hamen magmoom ta-abad
iqaraar ham se le ke hamaare gunaah ka
izahaar-e-gam kiya to ye use ne diya javaab
chehara gavaahee deta hai jhoothe gavaah ka
googa-e-hashr dil mein samaata nahin mire
hangaama yaad hai mujhe furqat mein aah ka
bhijava diya bahishta mein poochha na dil ka haal
kya khoob faisala kiya is daad-khvaah ka
kya jaanie talaash-e-asar mein kahaan gaee
ab tak kaheen pata na laga meree aah ka
seene mein apane naala o shevan ka shor hai
maatam hamesha hai dil-e-gafaraan-panaah ka
yoosuf ko ai sipahar kuen mein gira to de
manzoor imtihaan hai zulekha kee chaah ka
kyoonkar na ahal-e-bazm mein ai ‘shaad’ ho rasookh
nemul-badal hoon ‘raasikh’-e-gufaraan-panaah ka
Subscribe to:
Post Comments (Atom)
No comments