tamaam umr namak-khvaar the zameen ke ham
vafa sarishta mein thee ho rahe yaheen ke ham
nikal ke rooh danvaadol ho na jae kaheen
hazaar haif na duniya ke hain na deen ke ham
nazar utha ke na dekha kisee taraf ta-umr
rahe khayaal mein ik chashma-e-surma-geen ke ham
zameen chhudaee gaee ham se jab bana kar khaak
yahaan pe kya na rahe ai saba kaheen ke ham
yahaan makaan hai to kyoon aasamaan kee sair karen
makeen hain ‘shaad’ azal se isee zameen ke ham
zamaana ‘shaad’ hamen kyoon bhoola nahin deta
na hajoo ke na saza-vaar aafareen ke ham
Subscribe to:
Post Comments (Atom)
No comments